A po Funksionon Mënyra Jote?
«Kur [Jezusi] mbaroi së foluri, i tha Simonit: ‘Shko në ujë të thellë dhe lësho rrjetat për peshkim.’ Simoni u përgjigj: ‘Mësues, kemi punuar fort gjithë natën dhe nuk kemi zënë asgjë. Por meqënëse e thua ti, do t’i lëshoj rrjetat.’» — Luka 5:4-5
Në Luka 5, lexojmë për Simon Pjetrin duke i pranuar dështimin e tij Jezusit. Ai ishte një peshkatar profesionist — dhe i mirë. Kështu e siguronte jetesën. Pra imagjinoni sa e vështirë duhet të ketë qenë për Pjetrin t’i rrëfehej Jezusit: «Kemi punuar fort gjithë natën dhe nuk kemi zënë asgjë» (Luka 5:5).
Por ndonjëherë, edhe profesionistët peshkojnë gjithë natën dhe nuk zenë asgjë.
A të duket ndonjëherë jeta jote kështu? Ndonjëherë më e mira jote nuk mjafton, dhe ndonjëherë përbellesh me situata jashtë kontrollit tënd. Nuk mund ta kontrollosh ekonominë. Nuk mund ta kontrollosh motin. Nuk mund të kontrollosh shumë gjëra që ndikojnë jetën tënde.
Pra çfarë bën kur vazhdon të përpiqesh fort në punë por nuk ke shumë për ta treguar?
Së pari, duhet ta fusësh Jezusin në barkën tënde. Me fjalë të tjera, lëre atë të jetë qendra e karrierës tënde ose çfarëdo që bën çdo ditë për të siguruar, kujdesur, ose shërbyer. Pastaj, pasi t’i kesh kërkuar Jezusit të hyjë në barkën tënde, duhet të pranosh se mënyra jote nuk po funksionon dhe ta lësh atë të marrë kontrollin. Bibla ka një emër për “pranimin se mënyra jote nuk po funksionon.” Quhet rrëfim, dhe mund të jetë e vështirë.
Pse është kaq e vështirë të pranosh se mënyra jote nuk po funksionon? Ja disa arsye:
Krenaria. Nuk dëshiron që dikush të mendojë se nuk e përballon dot. Në vend të kësaj, përpiqesh të dukesh sikur je në kontroll dhe sikur i ke të gjitha nën dorë. Dëshiron të jesh në gjendje ta përballosh gjithçka vetë, edhe nëse kjo do të thotë të punosh 12 orë në ditë.
Kokëfortësia. Nuk je i gatshëm të ndryshosh mënyrën si i bën gjërat. A e dije se armiku më i madh i suksesit të nesërm është suksesi i djeshëm?
Frika. Nuk mund të pranosh se ke peshkuar gjithë natën dhe nuk ke zënë asgjë. Ke frikë se njerëzit do të mendojnë më pak për ty. Ke frikë ta lësh Jezusin në barkën tënde sepse ai mund ta drejtojë atë në një drejtim ku ti nuk dëshiron të shkosh.
Është koha të rrëfehesh se mënyra jote nuk po funksionon. Lëshoje krenarinë, kokëfortësinë dhe frikën. Pastaj shiko si mund ta marrë Jezusi barkën tënde dhe t’i mbushë rrjetat e tua derisa të derdhen.
Ky artikull u botua fillimisht si pjesë e devotshmeve “Daily Hope” nga Dr. Rick Warren. Përkthyer nga anglishtja në shqip. © Rick Warren / Daily Hope. Burimi origjinal: pastorrick.com
