📖 Vargje për Urtësinë

“Frika e Zotit është fillimi i njohjes; por njerëzit e pamend përçmojnë diturinë dhe arsimin.”

“Sepse Zoti jep diturinë; nga goja e tij rrjedhin njohuria dhe arsyeja.”

“Ki besim tek Zoti me gjithë zemër dhe mos u mbështet në gjykimin tënd;”

“Dituria është gjëja më e rëndësishme; prandaj fito diturinë. Edhe sikur të humbasësh ato që ke, fito diturinë.”

“Frika e Zotit është parimi i diturisë, dhe njohja e të Shenjtit është zgjuarsia.”

“Është më mirë të fitosh dituri se sa ar, dhe të fitosh mençuri se sa argjend.”

“Kështu do të jetë njohja e diturisë për shpirtin tënd. Në rast se e gjen, do të ketë një të ardhme dhe shpresa jote nuk do të shkatërrohet.”

“Por në qoftë se ndonjërit nga ju i mungon urtia, le të kërkojë nga Perëndia, që u jep të gjithëve pa kursim, pa qortuar, dhe atij do t’i jepet.”

“Kurse dituria që vjen nga lart, më së pari është e pastër, pastaj pajtuese, e butë, e bindur, plot mëshirë dhe fryte të mira, e paanshme dhe jo hipokrite.”

“Fjala e Krishtit banoftë në ju me begatinë e vet; në çdo dituri, mësoni dhe këshilloni njëri-tjetrin me psalme, himne dhe këngë frymërore, duke i kënduar Zotit me hir në zemrat tuaja!”

“Frika e Zotit është zanafilla e diturisë; kanë dituri të madhe ata që zbatojnë në praktikë urdhërimet e tij; lëvdimi i tij vazhdon në përjetësi.”

“Fjala jote është një llambë në këmbën time dhe një dritë në shtegun tim.”

“Dhe mos u konformoni me këtë botë, por transformohuni me anë të ripërtëritjes së mendjes suaj, që të provoni cili është i miri, i pëlqyeri dhe i përsosuri vullnet i Perëndisë.”

“Kujdesuni, pra, që të ecni me kujdes dhe jo si të marrët, por si të mençurit,”

“Por prej tij ju jeni në Krishtin Jezus, i cili nga Perëndia u bë për ne dituri, drejtësi, shenjtërim dhe shpengim,”