Surinami, i njohur më parë si Guajana holandeze, është një republikë e vogël në bregun verilindor të Amerikës së Jugut, 80% e së cilës përbëhet nga pyje tropikale me shira të dendura. Nuk është e pazakontë të shohësh majmunë që kacavirren nëpër pemë dhe gjarpërinj boa që kalojnë në mes të rrugës. Rajoni i brendshëm ka mbetur i paprishur dhe nuk është shumë i banuar. Surinami është katër herë më i madh se Hollanda dhe u kthye në një koloni holandeze më 1667. Pas zhdukjes së skllavërisë më 1863, mbërritën bujq nga India dhe ishulli indonezian Java. Më 1975, Surinami fitoi pavarësinë nga Hollanda.

Shumë vite më parë ishujt Komoros ishin të njohur për eksportin e tyre të esencave të parfumit, si dhe të vaniljes dhe karafilave. Por sot, Komoros është harruar krejt. Komorosi përbëhet nga tre ishuj kryesorë vullkanikë në bregdetin afrikan, 300 km ose 200 milje në lindje të Mozambikut. Ishujt Komoros kanë pësuar 19 orvatje për grusht shteti që nga fitimi i pavarësisë nga Franca më 1975. Një ishull i katërt, Majote ende ndodhet nën administrimin e francezëve.

Nga 100 milion fëmijë nën 15 vjeç jetojnë në botën arabe, së paku gjysma e tyre mund të ndjekin televizionin satelitor. Këta fëmijë dhe të rinj përfaqësojnë të ardhmen e rajonit. Fëmijët që jetojnë në mes të grindjeve e vështirësive dhe mungesës së shpresës u kthehen shpesh TV-ve sepse e shohin atë si një strehë të sigurt. Tashmë fëmijët arabë kanë mundësinë për të ndjekur programe të krishtera që transmetohen gjatë gjithë ditës. Në dhjetor 2007, rrjeti satelitor SAT-7 nisi një kanal televiziv satelitor për fëmijët, SAT-7 KIDS, që transmeton 24 orë në ditë.

Fatkeqësisht, shpesh myslimanët e lidhin krishterimin me kulturën perëndimore. Myslimanët besojnë se të krishterët janë mashtruar dhe se ata kanë një detyrim që t’i drejtojnë tek të vërtetat e islamizmit. Për shumë myslimanë, fjala “i krishterë” nënkupton materializmin, mungesën e spiritualitetit dhe dështimit moral. Për shkak të kësaj, ata refuzojnë shumë gjëra që vijnë nga shoqëria perëndimore dhe të cilën ata e shohin si perverse. Për myslimanët, konsumimi i alkoolit, pornografia, mënyra liberale e të jetuarit dhe mos ushtrimi i praktikave fetare janë shenja të sigurta të dështimit të vendeve perëndimore (ata shpesh shohim dhe dëgjojnë këto lloj gjërash në programe televizive, filma, libra dhe këngë perëndimore).