Nga 100 milion fëmijë nën 15 vjeç jetojnë në botën arabe, së paku gjysma e tyre mund të ndjekin televizionin satelitor. Këta fëmijë dhe të rinj përfaqësojnë të ardhmen e rajonit. Fëmijët që jetojnë në mes të grindjeve e vështirësive dhe mungesës së shpresës u kthehen shpesh TV-ve sepse e shohin atë si një strehë të sigurt. Tashmë fëmijët arabë kanë mundësinë për të ndjekur programe të krishtera që transmetohen gjatë gjithë ditës. Në dhjetor 2007, rrjeti satelitor SAT-7 nisi një kanal televiziv satelitor për fëmijët, SAT-7 KIDS, që transmeton 24 orë në ditë.

Prej 12 vjetësh SAT-7 i ka inkurajuar dhe forcuar besimtarët, duke ua disponuar mesazhin e shpresës së Krishtit të gjithë shikuesve në Lindjen e Mesme dhe Afrikën e Veriut. Në këtë kanal për fëmijët, ata mund të shohin programe me mesazhin e dashurisë, faljes dhe kthyerit të faqes tjetër. Në të transmetohen filma vizatimorë, drama, tregime biblike, lojëra dhe shumë programe që tregojnë sesi të ecësh me Zotin. Që në fillim, programet e fëmijëve kanë qenë më të preferuarat.