albKristian.com është një shërbesë ndërkonfesionale, por thelbësisht ungjillore.

• Bibla: Ne besojmë në Biblën si Fjala e frymëzuar e Perëndisë, e vetme, e padështueshme, dhe autoritare për besimtarët në besim dhe praktikë.
  
  
• Perëndia: Ne besojmë në një Perëndi të vetëm, Krijuesin e universit, i cili ekziston përjetësisht si Trini: Ati, Biri dhe Fryma e Shenjtë.
  
  
• Jezus Krishti: Ne besojmë në hyjninë e Jezu Krishtit, në lindjen e Tij nga një e virgjër, në jetën e Tij pa mëkat, në mrekullitë e Tij, në vdekjen e Tij zëvendësuese dhe shpenguese (shpëtuese) nëpërmjet gjakut të Tij të derdhur, në ringjalljen e Tij trupore, në ngritjen e Tij në krahun e djathtë të Atit, dhe në kthimin e Tij për së dyti me fuqi dhe lavdi.
  
  
• Fryma e Shenjtë: Ne besojmë në shërbesën e vazhdueshme të Frymës së Shenjtë nëpërmjet të cilës besimtari është në gjendje që të jetojë një jetë të perëndishme.
  
  
• Shpëtimi: Po të rrëfesh me gojën tënde Zotin Jezus, dhe po të beshosh në zemrën tënde se Perëndia e ngjalli prej së vdekurish, do të shpëtohesh.
  
  
• Ringjallja: Ne besojmë në ringjalljen e të shpëtuarve dhe të humburve në ditën e fundit – të shpëtuarit në ringjalljen e jetës dhe të humburit në ringjalljen e ndëshkimit.
  
  
• Besimtarët: Ne besojmë në unitetin frymor të besimtarëve kudo si pjesë e trupit të Jezu Krishtit.

Ne mbështesim gjithashtu Besëlidhjen (Marrëveshja) e Lozanës.