Kurani pohon disa besime të caktuara mbi Jezusin që janë biblikisht të vërteta: Lindi nga një virgjëreshë, kreu mrekulli, duke shëruar të verbrit, lebrozët, duke ngritur të vdekurit, ai kishte dishepuj dhe mohohej nga të tijtë. Jezusit i jepen shumë tituj madhorë në Kuran, si “Shërbëtori i Perëndisë”, “Profeti dhe Apostulli i Perëndisë”, “Fjala e Perëndisë”, “Fryma nga Perëndia” dhe “Një nga të Drejtët”. Ai quhet më shpesh “Isa, biri i Maries”, duke theksuar lindjen e tij prej një gruaje të virgjër, por thuhet qartë se nuk është “Perëndia në mish” (Ai nuk është më shumë se një profet”, jo “biri i Perëndisë” dhe nuk ka vdekur në kryq. Sipas Kuranit, edhe sikur ai të kishte vdekur në kryq, një vdekje shlyese nuk është e mundur. Në të shpallet tre herë se në Ditën e Gjykimit “Askush nuk mund të mbajë mëkatet e një tjetri!”.

Unë kam lindur në një familje të pasur. Si babai ashtu dhe nëna ime u përkisnin familjeve me një trashëgimi të pasur fetare. Fatkeqësisht tensionet në martesën e prindërve, që lidheshin me martesën e babait tim me një grua të dytë, shpejt shkaktuan divorcin e prindërve të mi. Unë dhe nëna ime lëvizëm disa herë, por në fund u vendosëm në Mumbai.

Myslimanët besojnë zakonisht që Bibla është ndryshuar dhe korruptuar. Ata e mohojnë autoritetin e saj sepse nuk besojnë se është e vërtetë.

Ata besojnë se Trinia e Shenjtë nënkupton besimin në tre perëndi. Shumë myslimanë besojnë se Trinia e krishterë përbëhet nga Ati, Maria (virgjëresha) dhe Biri (Jezusi).

Ata besojnë se është blasfemi të pohosh hyjninë e Jezusit dhe t’i japësh titullin “Biri i Perëndisë”. Shumë besojnë se kjo nënkupton se Perëndia ka pasur marrëdhënie seksuale me Marien dhe se një bir ka lindur fizikisht nga bashkimi, një ide kjo e papranueshme edhe për të krishterët.